काठमाडौं – प्रतिनिधिसभाको बैठकमा विपक्षी दलहरूको विरोध थप चर्किएको छ । यसअघि तीन विपक्षी दलले बहिष्कार गरिसकेको अवस्थामा अब नेकपा एमालेले पनि संसद् बैठक छाडेको छ ।
प्रधानमन्त्रीको तर्फबाट अर्थमन्त्री डा. स्वर्णिम वाग्लेले सरकारको नीति तथा कार्यक्रममाथि उठेका प्रश्नको जवाफ दिन सुरु गरेपछि एमाले सांसदहरू बैठक बहिष्कार गर्दै बाहिरिएका हुन् ।
यसअघि नेपाली कम्युनिष्ट पार्टी, श्रम संस्कृति पार्टी र राप्रपाका सांसदहरूले पनि सदन बहिष्कार गरेका थिए ।
अब प्रमुख विपक्षीका रूपमा नेपाली कांग्रेसका सांसदहरू मात्रै बैठकमा उपस्थित छन् । उनीहरू आफ्नो स्थानमै उभिएर सरकारविरुद्ध विरोध जनाइरहेका छन् ।
३१ बैशाख २०८३, बिहिबार ०९:४४ मा प्रकाशित
