काठमाण्डू, २९ मंसिर । भृकुटीमण्डपमा जारी नेकपा एमालेको ११औँ महाधिवेशनमा अध्यक्ष पदका लागि वर्तमान अध्यक्ष केपी शर्मा ओलीले आफ्नो उम्मेदवारी दर्ता गराएका छन् । भृकुटीमण्डपमा सञ्चालन भइरहेको बन्दसत्रमा उम्मेदवारी दर्ताको प्रक्रिया जारी छ, र केहीबेरअघि ओलीले आफ्नै उम्मेदवारी दर्ता गराएका हुन् ।
अर्का अध्यक्षका प्रत्याशी ईश्वर पोखरेलले पनि आफ्नो उम्मेदवारी दर्ता गराइसकेका छन् । निर्वाचन कार्यतालिका अनुसार मतदान भोलि हुँदैछ भने आजै उम्मेदवारको अन्तिम नामावली पनि प्रकाशित हुँदैछ । दुवै नेताहरू आ–आफ्नो प्यानलसहित चुनावी मैदानमा उत्रिएका छन्, जसले महाधिवेशनमा अध्यक्ष पदको प्रतिस्पर्धा थप रोचक बनाएको छ ।
३० मङ्सिर २०८२, सोमबार ०३:३४ मा प्रकाशित
