सुर्खेत । छिन्चु–जाजरकोट सडकखण्डअन्तर्गत भेरी नदीमा जिप खस्दा दुई जना बेपत्ता भएका छन्।
जिल्ला प्रहरी कार्यालय सल्यानका प्रवक्ता रमेश खत्रीका अनुसार जिपमा चार जना सवार थिए। दुर्घटनामा चालक र जिपधनी नदीमा बेपत्ता भएका हुन्।
दुर्घटनामा बनगाड कुपिण्डे नगरपालिका–१ का २९ वर्षीय प्रेम विक र २१ वर्षीय खुमलाल बुढाथोकी सामान्य घाइते भएका छन्। उनीहरू पौडी खेलेर नदीबाट बाहिर निस्कन सफल भएका थिए।
प्रहरीका अनुसार लु १ ज ३०२२ नम्बरको जिप छिन्चु–जाजरकोट सडकखण्डको सल्यान, बनगाड कुपिण्डे नगरपालिका–१ बाङ्गिरहनजिकै सडकबाट करिब ५० मिटर तल खसेर भेरी नदीमा पुगेको हो।
बेपत्ता भएका दुई जनाको खोजी भइरहेको प्रहरीले जनाएको छ।
२७ साउन २०८३, बुधबार ०३:२६ मा प्रकाशित
