काठमाडौंमा पछिल्ला केही दिनयता लगातार उकालो लागेको सुनचाँदीको मूल्य आज फेरि ओरालो लागेको छ। नेपाल सुनचाँदी व्यवसायी महासङ्घका अनुसार आज छापावाल सुन प्रतितोला दुई लाख ५९ हजार ६ सय रुपैयाँमा कारोबार भइरहेको छ भने चाँदीको मूल्य प्रतितोला चार हजार ४१५ रुपैयाँ कायम भएको छ। यसअघि बुधबार छापावाल सुन प्रतितोला दुई लाख ६१ हजार रुपैयाँ र चाँदी चार हजार ४७० रुपैयाँमा किनबेच भएको थियो। पछिल्ला दिनमा अन्तर्राष्ट्रिय बजारको उतारचढाव र स्थानीय माग–आपूर्तिको अवस्थाले मूल्यमा यस्तो परिवर्तन देखिएको व्यवसायीहरूको भनाइ छ।
१७ पुस २०८२, बिहिबार ११:२८ मा प्रकाशित
