काठमाडौं । नेपाली बजारमा सोमबार सुनको मूल्यमा उल्लेख्य वृद्धि देखिएको छ। आज सुन प्रतितोला ४ हजार १ सय रुपैयाँले बढ्दै ३ लाख ४ हजार ६ सय रुपैयाँमा कारोबार भइरहेको छ। आइतबार प्रतितोला ३ लाख ५ सय रुपैयाँमा कारोबार भइरहेको सुन आज एकैदिन उल्लेख्य रूपमा महँगिँदा उपभोक्ता र व्यवसायी दुवैको ध्यान तानेको छ। अन्तर्राष्ट्रिय बजारको प्रभाव र आन्तरिक मागका कारण पछिल्लो समय सुनको मूल्य निरन्तर उतार–चढावमा देखिँदै आएको छ।
यसैगरी, चाँदीको मूल्य पनि सोमबार बढेको छ। आज चाँदी प्रतितोला २४० रुपैयाँले बढेर ५ हजार २ सय ५० रुपैयाँमा कारोबार भइरहेको छ। आइतबार चाँदी प्रतितोला ५ हजार १० रुपैयाँमा कारोबार भएको थियो। सुनसँगै चाँदीको मूल्यमा आएको वृद्धिले बहुमूल्य धातुको बजारमा पुनः चहलपहल बढाएको देखिन्छ।
२७ माघ २०८२, सोमबार ११:३० मा प्रकाशित
