साफ यू–१७ महिला च्याम्पियनसिपमा नेपालले आयोजक भुटानको सामना गर्दैछ। खेल नेपाली समयअनुसार साँझ ५:४५ बजे सुरु हुनेछ।
दुवै टोलीले प्रतियोगिताको पहिलो खेलमा हार बेहोरेका छन्—नेपाल भारतसँग ७–० ले पराजित भएको थियो भने भुटान बंगलादेशसँग ३–१ ले हार्यो।
साफ यू–१७ महिला च्याम्पियनसिपमा नेपाल, भारत, बंगलादेश र भुटान गरी चार टोली सहभागी छन्। प्रतियोगिता डबल राउण्ड–रोबिन प्रणालीमा भइरहेको छ, जसमा प्रत्येक टोलीले दुईपटक सबैसँग प्रतिस्पर्धा गर्नेछ। लिग चरणको अन्त्यमा सबैभन्दा धेरै अंक ल्याउने टोली च्याम्पियन बन्नेछ।
६ भदौ २०८२, शुक्रबार ०४:२९ मा प्रकाशित
