२६ पुसमा काठमाडौंमा जनता समाजवादी पार्टी नेपाल र लोकतान्त्रिक समाजवादी पार्टी (लोसपा) नेपालबीच १२ बुँदे एकता–सम्बन्धी सम्झौता भएको छ। आइतबार भएको यस सहमतिपछि दुई दलबीच समन्वय र एकीकरणको औपचारिक संरचना तय गरिएको हो। सम्झौता अनुसार ४३ सदस्यीय केन्द्रीय समन्वय समिति गठन गरिएको छ, जसको संरक्षकमा महन्थ ठाकुर चयन भएका छन् भने अध्यक्षको जिम्मेवारी उपेन्द्र यादवलाई दिइएको छ। यही समितिअन्तर्गत ११ सदस्यीय सचिवालय पनि गठन गरिने उल्लेख सहमति पत्रमा गरिएको छ। साथै, एकीकृत पार्टीको नाम ‘जनता समाजवादी पार्टी (जसपा) नेपाल’ रहने निर्णयसमेत गरिएको छ, जसले मधेस केन्द्रित राजनीति गर्ने यी दुई दलबीचको एकताको औपचारिक रूपरेखा स्पष्ट गरेको छ।
२७ पुस २०८२, आईतबार ०४:५१ मा प्रकाशित
