धनगढी । कैलालीको बर्दगोरिया गाउँपालिका–३ स्थित लालीगुराँस सामुदायिक वनमा बन्दुक पड्किँदा ४२ वर्षीय पदम विश्वकर्माको मृत्यु भएको छ ।
गए राति सामुदायिक वनभित्र बन्दुक पड्किँदा बर्दगोरिया–३ का विश्वकर्माको मृत्यु भएको हो ।
इलाका प्रहरी कार्यालय बौनियाका प्रहरी निरीक्षक डम्बर विष्टका अनुसार, विश्वकर्मासँगै जंगल गएका एक जनालाई नियन्त्रणमा लिएर सोधपुछ भइरहेको र घटनास्थलको अनुसन्धान जारी रहेको छ ।
प्रहरी निरीक्षक विष्टले भने, ‘बन्दुक कसले किन चलाएको र विश्वकर्मासँग रहेको बन्दुकबाटै गोली चलेको हो भन्ने यकिन हुन सकेको छैन ।’
३ भदौ २०८३, बुधबार ०८:२२ मा प्रकाशित
